عــــدوا العــده ولمـــوا اللمـــــه
واتشمــروا مغاويــــــر الامــــه
واتمسحـوا فـــــى ستــاير غـزه
أيـــــام غــزه كــان فيـن همــــا
كـلمـنجيـه بــتوع شعـــــــارات
واللــــى بيفــهم فيــهم مـــــــات
ولــــلا زمــان الــــود وفـــــات
خمــسين سنــه لابسين العمــــه
خـــــــــرج الغل الكـامـن فيـهم
ظهــر الحقــد ف ننـى عـنـيـهـم
نسيوا المصرى وفضـله عليـهم
بقـى دول يبقـوا اخوات بالذمــه
بـلد الشهـدا يــا ألف خســــــاره
كنـت الاخـت وكنتــى الجــــاره
فعـلك خلـى ف حلقـى مــــراره
مش ح يــزيلـها ولاميت قمــــه
انتــوا غلطتم فـــى العنـــــــوان
غــزه هنـــــاك وجـنوب لبنـــان
زى المصـرى مفـيش انســـــان
ضحى عشانكم وقت الغمــــــــه
مصـر عـلمها لاداب ولابــــاش
واللى يهينها لاكـان ولاعـــــاش
احنــــا دفعنــــا دمنــــا كـــــاش
عوضى علـى الله فيكــى ياأمــه