كتير اوي مننا بيزعل من اعز اصحابهواكتر بنزعل من ناس ونشيل منهم من غير ما يكون بينا اي علاقة
بس مجرد اننا سمعنا انهم بيتكلموا عننا وحش
واللي يحز في القلب ويزعل اوي انك تشيل من حد حد بتحبه
حبيبتك
خطيبتك
زوجتك
او حد من اهلك
في ناس رأيها انها عادي تشيل وتزعل بس متقولشي
وناس بتفتخر بده انها مش بتقول اللي جواها وتشيل
انا ضد المنطق ده خالص
هقول ليكم حاجة حصليتلي قريب
من كام سنة كان ليا حد صاحبي اوي اوي
وفجاءة لقيته اتغير معايا
وبدأ يبعد يبعد من غير سبب
وانا مش فاهم
قولت يمكن يكون مش حابب نبقي صحاب
فسكت
المهم ان من كام اسبوع
جالى ناس يسألوني عن صاحبي ده بعتبار اني اعرفه
فقولت فيه رائيي بكل صراحة
وقولت انه شخص محترم وامين
وانه استأمنه على نفسي
ومش يتخاف منه خالص
واتكلمت كلام حلو في حقه
المهم انه ارتبط بالبنت اللي اهلها كانوا بيسألوا عليه
و لسه انهاردة لقيته جايلي
وبيحضني وبيقولي انا كنت شايل منك
واستغربت لما عرفت ان اهل خطيبتي سألوك عني وقولت كلام كويس في حقي ؟
قولت ليه كلام كويس ؟!!!
انا قولت اللي شايفه فيك يا عصام
قالي يا راجل ؟!!
قولتله والله دي امانه وقولت اللي يمليه عليا ضميري ؟!!
قالي واشمعنة زمان مقولتش اللي يمليه عليك ضميرك ؟؟؟
اتاري من حوالي خمس سنين
ولد المفروض زميلنا
اضايق من شد ارتباطنا ببعض
وراح قال كلام حصلشي انا قولته عن عصام ده
وعصام فضل شايل في نفسه خمس سنين
ومش ردي يقولي ... وبعد .. بعد ... لحد ما مبقناش صحاب
شوفته ان الشيل في النفس بيدمر ازاي
لو كان جه قالي وواجهني وعاتبني من يومها
وكنت قولتله محصلشي وفهمته
او حتى قولتله حصل وانا اسف وحقك عليا
مكنشي زمانا كنا صحاب لسه واوي
المهم يا جماعة لازم نتعاتب
ونفضفض
بقول نتعاتب مش نتخانق
تعاتب عشان تتصالح
مش تتعاتب عشان تبعد
وفي الاخر ربنا ميحرمناش من بعض
سلام
هناك 11 تعليقًا:
تدوينه جميله كثير منا مر بنفس الموقف تقريبا مع الفارق ، ولكن ما حدث منى أنى أصريت على من تغير من ناحيتى أن يظهر السبب واتضح الأمر إنها النميمه عافانا الله وإياكم منها ، لذلك كله جعلها الله من الكبائر ، اللهم اهدى المسلمين وردهم إليك رداً جميلاً آمين .
هيك قصص بتصير، بس المهم إنو الصديق يحكي لصديقه لمى يكون زعلان منه، عشان يتعودو على هل شئ، و يضلو أصدقاء على طول.
إنتا اثبتت لصديقك انك صديق مخلص، و انشالله بتضلو أصحاب :)
الصداقه شىء جميل و مهم جدا للانسان
و طبعا العتاب بين الاصدقاء و الاحباب مهم جدا و الاهم اننا نتعلم منه و منرجعش نزعل بعض ..
الحمد لله ان عادت صداقتك لصديقك و لو ان انت كمان غلطت لأنك كان لازم تروح و تسأله قبل الفجوه ما تتسع بينكم
لكن الحمد لله ربنا يديم المحبه بينكم
دمت بكل الخير
تحياتى
السلاااااااام عليكم
وسعععععععع وسسسسسسع منك ليه
انا كيييييييييييييت
تعالى نتعاتب تعالى نتصافى
معاك فعلا حق
فى ناس بتتعاتب عشان يتخاصموا مش عشان يتصالحو
بس غريبه بجد صاحبك ده كان شايل منك خمس سنين بحالهم
يااااااه
كان المفروض فعلا ييجى يعاتبك ييقولك على اللى حصل
ربنا قال ايه؟
وان جاءكم فاسق بنبأ فتبينوا ان تصيبوا قوما بجهاله
يا سلام بجد لو نمشى على كلام القرءان ونعمل بيه
بس الحمد لله انكم اتصالحتوا وبقيتوا كويسين بعد سوء التافاهم اللى حصل ده
وطبعا مش عشان انا مثلا زعلانه من حد لو حد سالنى عليه يبقى اتكلم كلام عنه وحش لاء لازم طبعا اقول الحق لانها دى امانه
احييك بجد على اخلاقك النبيله دى
مع تحياتى
ريمان
ملائكيه
ما أجمل الصداقة بالصديق وما أجمل الصديق بالمودة و الوفاء
من سوء التعامل أنك لا تستطيع ان تكسب صديقا، وأسوا من هذا، ان تفقد صديقا بعد حصولك عليه
دي كلها حاجات عارفنها انا بعتبر الصداقه دي اجمل شئ بيحصل في الدنيا وطالما اصدقاء يبقي بقينا عقل واحد وطالما بقينا عقل واحد يبقي ماينفعش معرفش اللي بيدور جوايا يعني اقصد ان لازم كل طرف يقرا اللي في دماغ الطرف التاني ولما احس ان في صفه بدات تتغير يبقي المفروض اما انا اسال او استني صديقي يقولي ولو مقليش يبقي كنت المفروض انا استسفر عن سبب تغييره معايا اي؟؟ بس انا عايزه اقول ان السبب في بعدكو انتو الاتنين مش طرف واحد بس وانت ذكرت نتعاتب يعني بلغه الجماعه يعني اما هو يعاتبني او انا اعاتبه بس احمد لله انكو كلمتو بعض تاني ويارب مش يبقي في بعد كده لازعل ولا خصام وكله يبقي تمام يلا سلالالالام
اسلام عليكم ورحمه الله وبركاته
اولا هقول حاجه كده عن بوست الحب حرام
انا لسه شايفه دلوقت ردك علي تعليقي وانا مكنتش اعرف انه الحديث ضعيف اسفه وجزاك الله كل خير علي المعلومه مكنتش اعرف والله
ثانيا بالنسبه للبوست ده
فعلا اهم واعز شئ عن راي هي الصداقه جميله جدا وفعلا متفقه معاك جدا لو حد زعل من حد لازم يواجهه لان ده بيقرب من بعض مش بيبعد والعتاب في حدود دي حاجه كويسه وزي منتا قولت علي الموقف اللي اتعرضتله
ربنا يهدي المسلمين
جزاك الله كل خير
تحياتي
السلام عليكم ورحمة الله وبركاتة
والله عند حضرتك حق
وانا معاك
وكمان كل ما المشكلة بتطول فى الوقت القلب بيقسوا اكثر
وكدا حل المشكلة ان وجدت هيصعب اكتر
جزاك الله خيرا
ودمت بالف خير
زمان سمعت حكايه عن الإمام احمد بن حنبل على ما أظن
أتى إليه رجل فقال له يا إمام إن فلان قال عليك ........
فقال له الإمام
لك أن نرى إما إن كان قولك صحيح حاسبناك حساب من يسعى بين الناس بالنميمه
وإن لم يكن حاسبناك حساب من يسعى فى الأرض فسادا
وإما أن نعفو عنك وترحل
أظن رأى الأمام ليس بعده قول
صح طبعا .....الله ينور
ياريت بجد :)
فعلا العتاب وبصراحة تامة بتريح الطرفين وتبعد الشجار بس احيانا تبقى تعاتب حد بتحبه بس هو ما يفهمش ده عتاب ومن محبتك ليه بتعاتبه ويفكرك بتنتقده او بتخانقه فيقوم يهب بوجهك ويزعق ويبدا الشجار اللي ما كنتش حاسب حسابه يبقى لازم نقول من البداية : دا بعاتبك دلوقتي مش بخانقك
بوست جميل
إرسال تعليق