مش عارف سمعت امبارح في احد الافلام نكتة بايخة
حبيت اقولها ليكم
بيقولك امريكا عملت استفتاء في الوطن العربي
وكان السؤال عن
ما هو رائيك عن افضل وجبات اللحم في الوطن بتاعك ؟
سالوا الصومالي
راح قالهم يعني ايه وجبة ؟؟؟سألوا المصري
قالهم يعني ايه لحمة ؟!!!!!! سألوا الخليجي
قالهم يعني ايه رأي ؟!!!!!
سألوا الفلسطيني
قالهم يعني ايه وطن ؟!!!!!
هناك 12 تعليقًا:
السلام عليكم ورحمة الله وبركاتة
هههههههه
نكتة بيخة بس للاسف صحيحة
بالنسبة للصومال
والخليجى
والمصرى
والفلسطينى
ربنا يدوم علينا نعمة الوطن
ويرجع لنا وطنا الاكبر الاقصى
دمت بالف خير
على فكره نكته واقعيه جدا والصور معبره جدا ، جزاك الله خيرا ..
والله انا خيف في يوم نجاوب علي السؤال ده ونقول مثلهم جميعا
يعنى ايه وطن؟
يعنى حضن يحتوينى
سما تغطينى
ارض تدفينى
....................
يعنى ايه وطن؟
يعنى ناس متعرفش الخداع
ولا تعرف الخباثه والخيانه
يعنى وشوش متعرفش الغدر
وطن اشم فيه ريحه الطيبه
يعنى امشى فى الشارع مخافش على نفسى من حد
لان اى حد اخويا وابويا وصاحبى وابنى
......................
يعنى ايه وطن؟
يعنى اما اعيط الاقى اللى يمسح دمعتى
اما اجوع الاقى اللى يطعمنى
واما امرض الاقى اللى يداوينى
واما ابقى فى مشكله الاقى اللى يساندنى
ويقف معايا فى ازمتى
.........................
يعنى ايه وطن؟
يعنى الاقى حقى
يعنى اما اتعب الاقى حاكم يحل مشاكلى
اشكيله
احكى له
افضفضله
يسمعنى
يصبرنى
يساعدنى
ولو احتاجته بلاقيه موجود
.....................
يعنى ايه وطن؟
يعني شمس وهوا ومايه وتراب افديه بعنيا
...............
ده الوطن اللى محتاجينه كلنا ومش لاقينه ولو الفلسطينى بيسأل يعنى ايه وطن؟؟؟
انا بسأل هو فين الوطن؟
صحيح
هم يبكي وهم يضحك
عندك حق ..
*********
اشكرك لزيارتك مدونتي .. لا تحرمني منها دوما
فاكر يا عابد كان فيه مسلسل ايام زمان اسمه كوكى كاك
كان بتاع ايمان الطوخى ومحمود الجندى
كانت الشخصية اللى اسمها كوكى كاك دى سألت وقالت يعنى ايه كلمة وطن
فا راح محمود الجندى وايمان الطوخى قعدوا يغنوا ويقولوا
الواو يعنى وادى
والط
يعنى طيبة
والنون ناس بلادى
وكان فيه كمان اغنية بتاعة محمد فؤاد فى فيلم امريكا شيكا بيكا
اسمها يعنى ايه كلمة وطن
بس انا بصراحة مش فاكرة كلمات الاغنية
انا معلق فى دماغى اكتر
اغنية بتاعة كوكى كاك
المهم يعنى
انها نكتة بايخة فعلا
ايه الصدف دى
ده انا كنت عندك بكتبلك تعليق
رجعت عندى لاقيت تعليق منك
يا محاسن الصدف
والله يا اخى احنا ما احنا عارفين ايه الموضوع سواء صوماليين او مصريين او خليجيين ولا بنعرف حتى الالف من كوز الدره
تحياتى يا اخى
السلام عليكم
نكته واقعيه جدا اخى الفاضل
بس الحقيقه هما غلطوا لما قسموها لأننا تقريبا متساويين بيتهيألى حتلاقى فى كل بلادنا العربيه ناس كثير مش حتفهم الاربع كلمات دول .. وجبه , لحمه , رأى
وطن و الكلمه دى بالذات مع كل اسفى ناس كثير مش فاهماها لأنها ببساطه مش حساها ..
جزاك الله كل الخير
دمت بخير فى حفظ الله
تحياتى
السلام عليكم ورحمه اله وبركاته اانا بصراحه مليش في المدونات اوي بس هرد ع الموضوع ده لان النكته شدتني وكمان الصور ماشاء الله معبره اوي بس انا لي كلمه واحده عايزه اقولها طول مافي حياه يبقي في امل للي عايز يبقي في امل وطول مانت عايش بالامل عمرك ماهتحس انك واقف او عاجز تعمل اي شئ او خايف تخطي في اي شئ يعني فكرتني باغنيه ماتت قلوب الناس الكومنت اللي في الاخر كلنا شوفنا الصوره سوده واحنا السبب بس بادينا نخليها بيضه بس العتب علي .......... لاخرها يعني
يعني في الاخر نحاول اننا مش نتكلم وخلاص لا انا هبص في الصوره واتعلم واصلح ومحدش يقول مستحيييييل معلش ممكن اكون بعدت شويه عن الموضوع وطولت عليكو بس مش مشكله كله بثوابه يلا سلالالالالالالالالالالام
eng_sh86
السلام عليكم ورحمه اله وبركاته اانا بصراحه مليش في المدونات اوي بس هرد ع الموضوع ده لان النكته شدتني وكمان الصور ماشاء الله معبره اوي بس انا لي كلمه واحده عايزه اقولها طول مافي حياه يبقي في امل للي عايز يبقي في امل وطول مانت عايش بالامل عمرك
ماهتحس انك واقف او عاجز تعمل اي
شئ او خايف تخطي في اي شئ يعني فكرتني باغنيه ماتت قلوب الناس الكومنت اللي في الاخر كلنا شوفنا الصوره سوده واحنا السبب بس بادينا نخليها بيضه بس العتب علي .......... لاخرها يعني
يعني في الاخر نحاول اننا مش نتكلم وخلاص لا انا هبص في الصوره واتعلم واصلح ومحدش يقول مستحيييييل معلش ممكن اكون بعدت شويه عن الموضوع وطولت عليكو بس مش مشكله كله بثوابه يلا سلالالالالالالالالالالام
فعلا يعني ايه وطن واحتواء!
اصعب سوال سوال الفلسطيني اما الاسئله التانيه بقينا خلاص متعودين عليها
تحياتي
إرسال تعليق