من الشعوب العربية إلى مصر : أنتي معانا ولا مع الناس التانين؟

في الأول خالص عايز اشكركم على ردودوكم الجميلة ومتعمد مش ارد على حد حلو أو وحش لكن الرد اللي بيأثر فيا برد عليه ببوست

ده اولاً , أما ثانيا بقي فإني عايز اقول اني ولا حزب وطني ولا بسمع القناة الاولى ولا قناة النيل للأطفال قصدي للأخبار عشان اتأثر بيهم.

أنا مواطن عادي غلبان مدرس رياضيات مطحون بتكلم باسم الطبقة بتاعاتي من الشعب المصري اللي كلهم مطحنون وغلبانين

البوست اللي فات كنت بتكلم على وجهة نظر ... مش بدافع عن حكومة ... لكن من حقي ادافع عن مصر بلدي ... مش عن حكومة بلدي لأن تلت تربعنا عارفين ان كلها اخطاء من اول الريس " متقال طبعا " لحد عم أحمد العامل في مدرسة القراقرة الاعدادية المشتركة .

ثالثا يا اخونا انا مقولتش مندخلش مساعدات ولا منعديش جرحى أن كان كل هدفي ابين فتح المعابر على البحري زي ما حصل من كام شهر والاخوة الفلسطنين دخلوا وطلعوا بالعافية بعد اربع ايام ده اللي رافضه

رابعا : دافعت عن كل مصري مسلم عربي اتهاجم من كل عربي فاكر نفسه انه وطني وامتنا العربية بتاعاته واحنا خونا وعملاء

والاخت والاخر اللي بيقولوا متأثر بالاعلام المصري ... أدخل وشوف الجزيرة القطرية بتعمل ايه في مصر والمصيريين .

شوف كل العرب بيعاملونا ازاي حتى الفلسطنين اللي في غربة معاك ... وانت تعرف ليا حق ادافع عن مصر ولا لا ..

خامسا عجبتني كلمة حلوة اوي قريتها أن اي دولة عربية من اللي بيطنطوا دول لا مؤاخذة لو حدودها مع مصر كانت هتعمل زي ما مصر وعملت بل انيل واضل سبيلا

وتذكروا الكويت والبحرين والسعودية وسوريا وتركيا وقطر نفسها بتاع قناة الجزيرة ايام ضرب العراق لما الدب فوق دماغ المدنيين العراقيين من قواعد في بلادهم

وفي الاخر مصر اللي خاينة وعميلة

المهم ده كان رد على تعليقاتكم .... وانتظروا بوست

من الشعوب العربية إلى مصر : أنتي معانا ولا مع الناس التانين؟